Fastnachtszeitung Bassersdorf

Fastnachtszeitung Bassersdorf

Firstplace
Restaurant-Eröffnung im Grindel

In Bassi gits e neue Beiz
Für Gnüsser ischs en grosse Reiz
The first in Town to be
Das isch des Chefs Philosophie.

Und d’Uswahl, die isch maximal
Oh, s’isch diräkt e Qual
Das me im Grindel s’Richtig nimmt
Git Rat d’Servierdüse bestimmt.

Fein ässe, Seminar oder Konferenz,
s’Restaurant 1st Place glänzt mit Kompetenz
Im Umchreis immer die Beschte z’bliibe
Tuet d’Motivation nach obe tribe.

Und au für die Chliinschte gits allerlei
Als Bispil ä Iis-Chugle-Schleckerei
Mmmh, an feine Glace-Dessert zum Schnöögge
Viel besser als i de Nase z’böögge.

Vom Merlot zum Tee vom Ronnefeld
Gits mängs guets Getränk fürs entsprechendi Geld
D’Wiicharte isch schier unendlich gross
S’isch schwierig z’entscheide, was wählt me ächt bloss.

Zerscht minigölfle, dänn dinne hocke,
wird sicher mänge zum Iichere locke
nach 18 Bölleli iiloche chönne
tuesch dir doch ganz gern es Bierli gönne.